Kryeministri Edi Rama ka zyrtarizuar ndryshimet në kabinetin qeveritar. Lindita Nikolla, Arben Ahmetaj, Ditmir Bushati, Damian Gjiknuri janë larguar nga kabineti qeveritar.
Ministrinë e Arsimit do ta drejtojë zëvëndësministrja aktuale, Besa Shahini. Ministre e re e Financave do të jetë Anila Denaj, drejtuesja aktuale e Fondit të Shërbimit Kombëtar Shëndetësor. Ministri i ri i Jashtëm do të jetë zëvëndësministri aktual Gent Caka. Ministre e re e Infrastrukturës do të jetë Belinda Balluku.
Edhe ministri i Bujqësisë, Niko Peleshi ka lënë detyrën, duke u zëvëndësuar nga Blendi Cuçi. Ministrja e Kulturës Mirela Kumbaro ka lënë detyrën për t’u zëvëndësuar nga Elva Margariti, këshilltare ne Kryeministri, dhe koordinatore e projektit 100 fshatrat. Sonila Qato ikën, dhe vjen Eduard Shalsi si ministër për Mbrojtjen e Sipërmarrjes.
Po kështu, rikthehet pozicioni i Ministrit për Marrëdhëniet me Parlamentin, që do të drejtohet nga Elisa Spiropali.
