Dalin detaje nga operacioni i polices Ina Nuku në Turqi. Efektivja e policisë u dëmtua nga shpërthimi i eksplozivit gjatë protestës së banorëve të ‘Astirit’, që kërkonin dëmshpërblim për prishjen e banesave që prekeshin nga projekti i Unazës së Re.
Edhe pse gishti i saj ishte shkatërruar plotësisht , ai është rikuperuar përmes një metode të re trajtimi të zhvilluar nga mjekët turq. 26 vjeçarja u dërgua në Turqi me një ambulancë ajrore të Ministrisë së Shëndetësisë. Nuku u pranua në Spitalin e Trajnimit dhe Kërkimit të Numunës në kryeqytetin e Ankarasë.
Dr. Ramazan Erkin Ünlü, kirurg i plastikës rindërtuese dhe estetike, udhëhoqi ekipin e mjekëve që e trajtuan atë. Duke folur për Agjencinë Anadolu, Ünlü tha se pacientja kishte humbur gishtin pasi një lëndë plasëse goditi dorën e saj.
Ai tha se në këto raste, procedura normale ishte që të merrnin gishtin e madh dhe gishtin e indeksit për të formuar një gisht të ri përmes mikrokirurgjisë.
“Kjo është një metodë e aplikuar me sukses edhe në klinikën tonë. Ne ofruam teknika të ndryshme për pacienten tonë. Por pacientja tha se nuk dëshironte të humbte gishtin e saj,” tha ai, duke shtuar se ajo ishte shumë e prekur për këtë dhe donin ta ndihmonin.
“Ne kemi zhvilluar një teknikë shumë të ndryshme, e cila ende nuk është gjetur në literaturë,” tha Ünlü. Ünlü shpjegoi se një gisht i përbërë nga pjesët e marrë nga legeni dhe krahu i saj e zëvendësoi gishtin e saj të humbur.
“Ne të dy iu përgjigjëm dëshirës së pacientes dhe nuk krijuam ndonjë mangësi në trupin e saj, me një metodë që nuk është aplikuar më parë,” tha Ünlü dhe vuri në dukje se ata do të zhvillonin më tej metodën. Ünlü tha se pacientja filloi të përdorë dorën e saj pas operacionit. Ai shtoi se ata ende nuk e kanë një emër për këtë metodë të re.
Marrë nga Daily News/ Përshtati TIRANA TODAY
