Në prag të festave të fundvit, Ambasada Shqiptare në Greqi ka një njoftim të rëndësishëm. Në një status në Facebook, Ambasada njofton se më datë 28 dhjetor (e premte) dhe më 31 dhjetor (e hënë), nuk do të bëhen aplikime për pasaporta apo shpërndarje të tyre nga zyra e pasaportave.
Po ashtu, në njoftim shkruhet se ambasada do të qëndrojë e mbyllur në datat 25-26 dhjetor 2018, si dhe më 1-2 janar 2019.
“Ambasada e RSh në Athinë, njofton se më 28 (e premte) dhe 31 dhjetor (e hënë) 2018, nuk do të mund të bëhen aplikime për pasaporta si dhe shpërndarje të tyre nga Zyra e pasaportave, për shkak të mbylljes së procedurës të fundvitit për inventarizimin e tyre. Për veprime të tjera konsullore, Zyra konsullore do të funksionojë normalisht në datat e sipërpërmendura. Faleminderit për mirëkuptimin dhe Gëzuar festat!”, shkruhet në faqen zyrtare të ambasadës shqiptare në Greqi.
