Vitet e fundit, në trend janë vetullat e trasha. Për femrat mbetet një punë kolosale, dhe që do goxha kohë për ti rritur. Por në fund rezultati është i kenaqshëm.
Ndër këshillat bazë mbetet që ti qëndroni larg piskatores. Edhe nga dylli, i cili përbën një rrezik më të madh, pasi mund të hiqni më shumë qime nga sa dëshironi.
Mund ta keni të vështirë fillimisht, por sapo vetullat të jenë rritur plotësisht, mund të filloni tu jepni sërish formë.
Vaji i bajames është shumë i mirë për rritjen e vetullave dhe flokëve, pasi është i pasur me vitamina E, D dhe A, si dhe ushqen folikulën e qimes. Mund ta përzieni me vaj recini për rezultate më të mira.
Po kështu, edhe serumi i vetullave do t`ju ndihmojë në përshpejtimin e procesit të rritjes së tyre. Zgjidhni një që ju përshtatet dhe përdoreni rregullisht.
Vlen të theksohet se një dietë e varfër ushqimore dhe mungesa e hidratimit, janë faktorët kryesorë që shkaktojnë rënien e flokëve dhe si pasojë edhe atë të vetullave.
