Kryeministri Edi Rama ka kërkuar sërish dialog nga salla e Universitetit të Vlorës, duke iu përgjigjur deklaratave të studentëve që lanë takimin, e duke i garantuar ata se nuk mund të ecet gjëkundi me ultimatume.
“Ideja që jam këtu janë 8 pikat dhe shprehje të tipit “thuaj po ose thuaj jo”, janë fatkeqësisht shprehje të paaftësisë për t’u përballur me sfidën mençuri dhe argumente. Nuk çuditem nga kjo paaftësi që i ka rrënjët nga një sistem edukimi i dërmuar që nga shkolla fillore. Këtu janë të gjithë studentë . Me britma dhe megafon do dalim që të jemi vendi i vetëm në botë që eksperimentojmë në rrugë të reja. Dialogu duhet që së pari të kuptohet se kjo protestë vjen nga një sëkëlldinë e madhe e studentëve që shumë gjëra nuk shkojnë në drejtimin e universitetit.
Këta që bërtasin dhe nuk duan të flasin, çfarë kërkojnë? Turp është të mos flasësh, jo të kërkosh të flasësh. Ja ku i ke ultimatumet, janë 8 pika plotësoji, ka qenë një këngë e famshme në kohën e komunizmit, por nuk jemi në atë kohë. Duhen diskutuar, unë mendoj që duhet të kemi shkallëzim meritokratik te tarifat, nuk ka ultimatume, jo ata 40 vetë, por të gjithë mund të dilni të protestoni nuk fitoni asgjë, përkundrazi do humbni, të jeni të sigurt”- tha Rama.
Më tej u është përgjigjur atyre që braktisën takimin: “Një gjë i them asaj vajzës, keni keqkuptuar protestën, si e kam keqkuptuar unë? Duke thënë që ishte shuplakë për qeverinë? Që do të thotë se jo vetëm nuk e kam keqkuptuar, por e kam kuptuar më mirë se ajo, se e kam analizuar shumë thellë thelbin e shpërthimit”.
