Shpesh tregtarët në rrugë i servirin produket ushqimore si bio, pa ndonjë ndërhyrje. Shumë persona edhe mashtrohen. Kjo vihet re edhe tek produktet si vaji i ullirit, apo mjalti, për të cilët tregtarët kanë dhënë provat ndër vite, se bëjnë mjaft hile. Po gjalpin e mirë, a dini ta dalloni?
Gjalpi natyral është bërë nga qumështi i lopës, dhe si rregull është më i shtrenjtë se zëvendësuesit e tij. Ky gjalp ka një ngjyrë natyrale, jo radikale dhe të fortë.
Gjalpi shkrihet në mënyrë të barabartë, dhe ndryshe nga zëvendësuesit e bërë me vaj perimesh, nuk lë pika në sipërfaqe kur shkrihet.
Zëvendësuesit që përmbajnë yndyrna bimore, gjithashtu shkrihen më shpejt se gjalpi i vërtetë, i bërë nga qumështi i lopës.
