Kreu i Partisë Demokratike po flet për zgjedhje të lira brenda PD-së, por në të vërtetë faktet tregojnë se ka humbur besimi brenda kësaj partie dhe udhëheqjes së Lulzim Bashës.
Ditën e sotme, Erla Mëhilli dhe këshilltari i PD në Këshillin Bashkiak, Fabian Topollaj njoftuan se nuk do të merrnin pjesë në këtë garë. Mëhilli sqaroi se edhe pse kishte refuzuar të garonte, emri i saj ka qenë në listat e zgjedhjeve.
Ndërkohë, Topollaj kritikoi publikisht Bashën, për të cilin tha se duhet të ndryshonte emrin e partisë që drejtonte.
Edhe diplomatja Edith Harxhi ka njoftuar se mbështet dhjetorin e dytë, pra protestën ndërsa ka shtuar se edhe PD duhet të ishte në protestë dhe jo e marrë peng.
Te dashur miq, une sot terhiqem nga gara per Keshill Kombetar te PD pasi si ish studente dhjetori mbeshtes fuqimisht dhjetorin e dyte shqiptar dhe mendoj se PD duhet te ishte sot ne proteste dhe jo e mbyllur ne salla dhe e marre peng. Jam kunder grevethyerjes! PD do triumfoje.✌️
— Edith Harxhi (@EdithHarxhi) December 15, 2018
Po ashtu, Mimoza Hajdarmataj sqaron se nuk do të kandidojë më për forumin e lartë të PD-së.
