Protesta e nisur prej ditësh nga studentët tashmë është përshkallëzuar në një protestë kombëtare.
Së fundmi, banorët e Unazës së Re, të cilët prej pothuaj dy muajsh protestojnë çdo ditë kundër prishjes së shtëpive të tyre, i janë bashkuar studentëve përpara Kryeministrisë.
Studentët janë më të vendosur se kurrë për të mos pranuar dialog me kryeministrin, teksa kërkojnë plotësimin e 8 kërkesave të tyre pa u diskutuar ato më parë me Ramën apo Nikollën.
Pritet që protestës kombëtare t’i bashkohen kategori të tjera të qytetarëve shqiptarë.
