Mes protestuesve ndodhet edhe një 73 vjecar, i cili mund të cilësohet pa frikë si një ndër studentët më të vjetër në vendin tonë.
Ai është nga Devolli dhe vazhdon studimet për Inxhinieri Mjedisi në Universitetin Bujqësor të Kamzës.
Në një prononcim për gazetaren Klodiana Lala, 73-vjeçari, që gjendet mes studentëve të tjerë para Kuvendit, tregon se ende nuk është diplomuar, pasi nuk ka marrë një provim. Ai thekson se ka ngelur pezull i një provimi për shkak të tarifës.
“Jam 73 vjeç. Vazhdoj shkollën për Inxhinieri Mjedisi në Universitetin Bujqësor në Kamzës që prej 2004-2005. Jam nga Devolli. S’i kam përfunduar studimet, se kur erdha për të dhënë provimet, por më kishte ngelur një provim i mbartur. Kisha 10 provime, mora 9. Por nuk kisha lekë që të paguaja tarifën. Kam qenë tërë këto ditë në protestë”, tha ai.
