Afati i plotësimit të kërkesave të studentëve ka përfunduar në orën 16:00. Studentët janë duke debatuar se ku duhet të vazhdojë protesta, para Ministrisë së Arsimit apo të zhvendosen para kryeministrisë. Frika nga zhvendosja dhe përshkallëzimi i protestës së studentëve bëri që pranë kryeministrisë të dislokohen qindra forca policie.
Në lidhje me situatën, për më shumë se dy orë gjatë paradites së të martës, në kryeministri ishte i pranishëm edhe ministri i Brendshëm, Sandër Lleshaj.
Uniformat blu i druhen zhvillimeve të papritura dhe një zhvendosjeje të mundshme të turmës së studentëve nga Ministria e Arsimit para godinës së kryeministrisë.
