Ndërkohë që bëheshin gati për marshimin drejt Ministrisë së Arsimit, studentët e Universitetit Politeknik kanë publikuar sot foto edhe emrat e pedagogëve,të cilët sipas tyre duhet t’i nënshtrohen Vettingut.
Fotot e printuara në të cilat shfaqen pedagogët, që u është vënë një kryq i kuq në fytyrë, janë ngjitur në kolonat e universitetit.
Ndër pedagogët e publikuar për Vetting janë, Boris Cfarku, Ylli Gjanci, Enkelejd Caca, Bujar Dida, Bojken Shehu, Anila Peposhi, Endri Raco, Anita Caushi, Brikena Xhaja, Margarita Gjonaj, si edhe Xhameli Pejtamalli.
Për pedagogët e sipërpërmendur studentët kërkojnë Vetting, pasi sipas tyre, ata janë të korruptuar. Kjo është edhe një prej kërkesave që ata i kanë kërkuar Ministrisë së Arsimit në protestat që kanë nisur prej ditësh tashmë.
