Taulant Muka ka publikuar diplomat e tij dhe ka sfiduar kryeministrin Edi Rama, që të bëjë të njëjtin veprim.
“Pse nuk i bëni ju publike diplomat tuaja? Rinia e shpresës kërkon transparencë”, shkruan Muka në një postim në Facebook.
Më herët gjatë kësaj të hëne, ish zv-ministri i Arsimit, përmes një video në të njëjtin medium, e quajti Ramën, ish-kryeministër.
“Ish-kryeministër i vendit, z.Rama, sot në fakt Kryeministër i vendit është studenti. Ata kanë marrë gomën në dorë për të fshirë krimin në arsim, për kërkuar garanci për të ardhmen e tyre. Si mësues vizatimi që jeni, duhet ta dini që goma shërben për të fshirë gabimet, dhe ju politika shqiptare keni bërë shumë gabime, që shprehen sot në revoltën e Rinisë, Rinisë së shpresës”, tha Muka.
