Manchester City pësoi humbjen e parë sezonale ditën e sotme në transfertën përballë Chelsea. Maurizio Sarri kishte studiuar mjaft mirë kundërshtarin dhe shfrytëzoi mjaft mirë ato pak raste që kishte në dispozicion. Pep Guardiola pas humbjes është shprehur i kënaqur me atë që ka parë në fushë dhe është shprehur se të gjithë ekipet kërkojnë të mposhtin Cityn.
“Është emocionale për mua të shoh se çfarë japin këta lojtarë çdo tri ditë,” shprehet Guardiola. “Ne po mundohemi të jemi kampionë. Të gjithë duan të na mposhtin. Kemi akoma shumë ndeshje për të luajtur. Duhet të jemi konstantë dhe sot ne ishim, kështu që nuk e kam problem humbjen.
Mënyra se si kemi luajtur në pjesën e parë ishte e mrekullueshme. Ata kishin shanse minimale dhe shënuan, ndërsa ne luajtëm për fitoren deri në fund. Ishim të jashtëzakonshëm, përveç pesë-tetë minutave lojë. Në përgjithësi ishim fantastikë.
Nuk kam asnjë pendim, erdhëm dhe treguam se donim të fitonim. Ata bënë një goditje në minutën e 44’ dhe shënuan, ndonjëherë ndodhin edhe këto gjëra.”
