Ndarja e balerinës Klaudia Pepa me koreografin e njohur Albi Nako, bëri bujë të madhe në media. Megjithatë duket se ndarja ishte mjaft paqësore, teksa ka qenë Klaudia që ka deklaruar se nuk ka asnjë mëri me të, madje e sheh si një vëlla.
Së fundmi, duket se ish-çifti janë përballur në skenën e “Kënga Magjike”. Balerina Pepa u kthye nga Italia për të prezantuar festivalin ën krah të Ardit Gjebreas dhe Bora Zemanit.
Për emisionin “Thumb”, Klaudia ka treguar për herë të parë edhe përballjen me ish-bashkëshortin e saj, Albi, gjatë provave të spektaklit.
“Para ca ditësh ishte me grupin e baletit, me Albën. Erdhën të gjithë të më takonin. Erdhi edhe Albi edhe Alba, e u treguan shumë të mirë, i putha i përqafova”, ka treguar Klaudia.
Ndërkohë kujtojmë se ka disa muaj që po përflitet për një lidhje të mundshme mes Albit dhe Albas, por deri tani dyshja ende nuk ka konfirmuar asgjë.
