Disa prej bizneseve në kryeqytet u janë bashkuar studentëve në ditën e tretë të protestës, duke ulur qepenat. Siç shihet edhe në këtë foto të publikuar nga “Nisma Thurje”, në një prej bizneseve shkruhet: “Jemi në protestë për studentët”.
Bizneset e vogla janë kategoria me e goditur nga rritja e taksave. Këto biznese shpesh herë janë familjare dhe të vetëpunësuarit e kanë të vetmen mënyrë jetese për të siguruar bukën e gojës.
Vlen të theksohet se studentët kanë paralajmëruar se nëse Ministria nuk i plotëson kërkesat, ata do të përshkallëzojnë protestën, deri në grevë urie.
“Ne kërkojmë plotësimin e tre kërkesave të tjera. Nuk ka negociata, studentët nuk negociojnë. Ju vetëm do pranoni kërkesat tona. Nuk ka zgjidhje tjetër, ndryshe protesta mund të përshkallëzohet.
Kujdes, kujdes, protesta mund të përshkallëzohet. Mund të ketë një grevë tek Politekniku, prandaj merrni masat”, tha një student.
