Gjykata ka caktuar masën 30 ditë paraburgim për ish-kryeministrin Nikolla Gruevski. Vendimi u mor pas kërkesës së Prokurorisë Speciale Publike, duke u bazuar në nenin 365 paragrafi 3.
Kështu, të akuzuarit Nikolla Gruevski i caktohet masë paraburgimi në kohëzgjatje prej 30 ditësh, duke filluar nga gjetja e tij dhe nga privimi i lirisë.
Kjo masë është caktuar pas njoftimit të dorëzuar nga Kuvendi, se ish-kryeministrit Gruevski i është hequr mandati i deputetit.
Për Gruevskin gjithashtu pas kërkesës së PSP-së është caktuar masë paraburgim edhe për lëndën “Trajektorja”, “T.N.T” dhe “Dhuna në Komunën Qendër”.
Gruevski ka marrë azil politik në Hungari, pasi u arratis për t’i ikur vuajtjes së dënimit prej dy vjetësh në rastin tjetër të PSP-së, “Tank”, që ka të bëjë me marrjen e “Mercedesit” në vlerë prej 600 mijë eurosh.
Arratisja erdhi dy ditë para se institucionet në Maqedoni të lëshonin fletë-arrest ndërkombëtar.
