Lionel Messi dhe Cristiano Ronaldo nuk morën pjesë në mbrëmjen e ndarjeve të çmimeve për “Topin e Artë”, ku Luka Modric ishte ai që fitoi çmimin më prestigjioz individual duke lënë pas yllin portugez dhe atë francez, Antonie Griezmann.
Pavarësisht këtij fakti, dy yjet që ndanë bashkë për një dekadë radhazi këtë trofe do të shohin së bashku finalen e dytë të Kupës së Libertadorës River Plate-Boca Juniors që është rënë dakord të zhvillohet më 9 dhjetor në “Santiago Bernabeu”, ku në mesin e tyre do të jenë trajnerë me emër nga gjithë Europa dhe Amerika.
Sipas asaj që raporton e përditshmja “AS”, sulmuesi argjentinas tashmë i ka prerë biletat që Federata i ka dhënë atij, ndërsa portugezi i ka kërkuar te ish-klubi “Los Blancos”. Do të jetë hera e parë që luzitani do të kthehet në mitikun ku fitoi shumë trofe, çmime dhe mori miliona duartrokitje, pasi u largua nga Real Madrid për të nënshkruar për Juventusin.
Kreu i klubit madrilen, Florentino Perez do të dëshirojë që të ulet së bashku në shenjë nderimi me dy lojtarët më të mirë në botë. Ndërsa, Federata Argjentinase e Futbollit ka rënë dakord që t’u japin një respekt të privilegjuar Messit dhe Ronaldos.
Kujtojmë që Messi do të luajë ndeshjen e së shtunës kundër Espanyol në Conella, ndërsa Cristiano Ronaldo do të luajë të premten ndaj Interit, ku argjentinasi do të udhëtojë për në Madrid të dielën në mëngjes, ndërsa luzitani do të shfrytëzojnë rastin për të kaluar fundjavën në Madrid.
