Kryeministrin Edi Rama ishte i ftuar sonte në emisionin “ASIST” ku tregoi vlerat e tij si basketbollist.
Në studion e konceptuar si një fushë basketbolli, Rama dhe moderatori matën forcat në këtë sport. Kujtojmë se Edi Rama është ish-basketbollist i Dinamos dhe Kombëtares shqiptare.
“Kush humb, bën atë që kërkon kundërshtari”, ka qenë kushti që i vendosi gazetari.
“Ne në Shqipëri i kemi ndaluar bastet, por këtu në Kosovë i keni ndryshe ligjet… por po fitova s’dua gjë, po humba kërko ti çfarë të duash”, i ka thënë Rama, ndërsa duket se bastin e kanë lënë me një darkë në Tiranë.
Por si duket kushtet e pabarabarta, pasi Rama ishte veshur me kostum zyrtar, e nxorën këtë të fundit humbës.
Shefi i qeverisë zbuloi se basketbolli ka qenë një dëshirë e tij dhe se sporti e ka ndihmuar shumë në gjendjen e tij shëndetësore.
Rama: Ka qenë dëshira ime dhe nga një anë presioni që kur ishe i gjatë në atë kohë duhet të ishe basketbollisht. Nga ana tjetër edhe pranimi nga ana e prindërve, sepse unë kam pas vuajtur nga një astmë alergjike dhe sporti më ka ndihmuar shumë.
Se kush ishte më i mirë në basketboll, ai apo i vëllai Olsi, Rama ka këtë përgjigje:
Rama: Nuk e di, ai ishte më i talentuar, unë më i vullnetshëm.
Rama tha se si lojtar, e ka karakterizuar kokëfortësia.
