Xhelozia e të dashurit i ka shkaktuar dhimbje të madhe një ruseje. Daily Mail ka publikuar videon e një reality show në Rusi, të titulluar “Shtëpia 2” (Dom 2), ku një yll televiziv rreh të dashurën, pasi kjo e fundit pranoi që një burrë e kishte përqafuar atë.
Andrey Shabarin, 34 vjeç sulmoi të dashurën e tij Rozalia Raison, 21 vjeçe gjatë shfaqjes popullore ruse.
Të pranishmit e tjerë kanë ndërhyrë duke ndarë me vështirësi 21-vjeçaren nga grushtet e shqelmat e burrit.
Mësohet se pas dhunës së përdorur, 34-vjeçari u dëbua nga shfaqja, ndërsa më pas edhe partnerja e tij doli nga gara duke e falur të dashurin për dhunën e ushtruar.
Thuhet se çifti po tenton të rindërtojë marrëdhënien e tij.
