Arrestimet e banorëve të Astirit janë bërë me urdhër politik, me qëllim që banorët të tërhiqen nga protesta. Kjo është akuza e deputetit të Partisë Demokratike, Klevis Balliu, i cili ka qenë i pranishëm edhe sot në ditën e 26-të të protestës.
Policia arrestoi sot dy persona, Romeo Llullën dhe Kujtim Yllin, si dhe ka proceduar 20 persona të tjerë lidhur me protestën e djeshme.
Banorët kanë bllokuar të dyja akset e rrugës që kalon aty, si dhe i kanë bërë thirrje policisë që të lirojë personat e arrestuar.
