Një djalë 6-vjeçar i ka vjedhur vëmendjen Papa Françeskut, i cili do të mbante fjalën e tij para të pranishmëve ditën e djeshme në Vatikan.
Teksa Ati i Shenjtë qëndronte i ulur, djali ka ngjitur shkallët dhe i është afruar gardistit stoik zviceran, duke e prekur tek duart që i mbante të palëvizura.
Pak çaste më vonë shfaqet një grua, e cila tenton të marrë fëmijën, por ai nuk bindet dhe ajo shkon në vendin e saj.
Ndërsa më pas djalit i është bashkuar edhe një vajzë që është sa ai në moshë. Kjo situatë ka shkaktuar të qeshura jo vetëm te të pranishmit në sallë, por edhe tek Ati i Shenjtë.
