Një moderator në Turqi ka pësuar atak në zemër, teksa ndodhej në transmetim direkt. Sukru Oytan ishte diagnostikuar kohët e fundit me aritmi, rrahje zemre jo të rregullt dhe ishte nën mjekim.
Kamerat kanë filmuar momentin kur ai bie mbi tavolinë, ndërkohë që bashkëprezantuesi Guven Sabaz, mbetet i shtangur. Kanali televiziv konfirmoi se Sukru Oytan kishte pësuar atak gjatë transmetimit.
Ndërkohë që burimet zyrtare nga televizioni raportuan se ai është jashtë rrezikut për jetën.
“Ai u dërgua menjëherë në spital. Mjekët raportuan se shëndeti i tij është i qëndrueshëm”.
