Pas tensioneve të shkaktuara tek Krimet e Rënda, ku të afërm të të dënuarve të “grupit të zjarrit” në Lazarat goditën gjyqtarët dhe gazetarët, një reagim është përcjellë nga avokati i tyre. Avokati u shpreh se vrasësi i ish-efektivit Ibrahim Basha mund të jetë i lirë.
Familjarët e grupit të Lazaratit, që akuzohen për vrasjen e efektivit të policisë Ibrahim Basha, pas dhënies së vendimit, reaguan duke e kundërshtuar. Ata kanë hedhur karrige në drejtim të trupit gjykues, ndërsa kanë lëshuar edhe mallkime kundër tyre si “Ju vdekshin fëmijët”.
Deklarata e avokatit
“Kjo nuk duhet të përkthehet në veprime të tilla tek përfaqësuesit të mediave që kanë pasqyruar gjjithë procesin. Eshtë kopje e vendimit të Shkallës së Parë, ka kokë turpi atë që u vra, dhe ka kokë turku ato që mbroj unë sot.
Njësoj si në komunizëm, kur vritet polici i partisë, apo sekretari i partisë, shuhet gjithë fshati. Nuk ka një provë të vetme kush është vrasësi, mund të jetë i lirë, e thonë provat.
Të tjerë e kanë kurdisur këtë ngjarje të rëndë, e cila nuk do të mbarojë me kaq, do i drejtohemi Gjykatës së Lartë. As gjykimin e shkurtuar nuk na dha Apeli. Është vrarë nga një goditje e tillë që godasin vetëm snajperat”, tha ai.
https://tiranatoday.com/lazarati-2familjaret-sulmojne-gazetaret-e-gjyqtaret-policia-nuk-nderhyn/
