Ndonëse dha dorëheqjen disa ditë më parë nga posti i zv.Ministrit të Arsimit, Taulant Muka nuk ka hequr dorë nga idetë e tij reformatore. Me anë të një statusi në Facebook, ai bën me dije se sot zyrtarisht duhet të fillonte procesi i intervistave të shefave të shërbimeve në QSUT.
Në pozicionin si zv/Ministër, kishte kërkuar riformatim të komisionit të vlerësimit të kandidaturave. Një tjetër pikë me mjaft prioritet për të ishte që të ndryshohet pikëzimi për vlerësimin e punës shkencore.
Sipas tij, titulli akademik/grada shkencore (profesor, profesor i asociuar apo “doktor shkencash”), nuk është tregues i punës kërkimore në vendin tonë.
Me rëndësi është që të vendosen kritere të qarta për mënyrën si vlerësohet “Projekti për zhvillimin e shërbimit shëndetësor”. Po kështu, që të bëhet konkurs publik dhe kandidatët të paraqesin publikisht platformat e tyre.
