Një shqiptar 47-vjeçar ka humbur jetën në Itali, si pasojë e të ftohtit. Mediat italiane raportojnë se ka qënë një kalimtar, i cili ka gjetur trupin e shqiptarit në një stol.
Ka qënë ora 09:15 minuta, kur policia e Milanos ka marrë telefonatën për një person të vdekur në rrugën ‘Sidoli’, dhe më pas është zbuluar se bëhej fjalë për një shqiptar.
Në raportimin e saj, policia thotë se shqiptari ka ndërruar jetë nga i ftohti, pasi në trupin e tij nuk ka pasur shenja dhune. Në xhepin e të ndjerit, janë gjetur disa monedha.
