Dy familje që jetonin në varfëri janë bërë me banesa të reja. Familja Uka në Kamëz dhe familja Illiu në Elbasan u bënë me shtëpi të e reja. Lajmi është bërë i ditur me anë të materialeve video dhe foto të postuara nga Fondacioni “Fundjavë Ndryshe”.
“Stop” dhe “Fundjavë Ndryshe” kanë mundësuar inaugurimin e dy shtëpive për dy familje në nevojë. E para është familja e Altin Ukës, në Cerkez, Kamëz. Ajo përbëhet nga 4 anëtarë, dy bashkëshortët dhe dy djemtë 8 dhe 12 vjeç.
Altini ka pësuar një aksident në punë në gusht 2018 dhe është i paaftë të punojë sërish. Ata jetojnë në një dhomë 10 metra katrorë, që nuk përmbush asnjë kusht. Gjithsej për t’ia dalë kanë ndihmën ekonomike prej 47 mijë lekësh të vjetra.
Më pas shkojmë në Elbasan, për një shtëpi tjetër për familjen e Pranvera Illiut. Bashkëshorti i ka vdekur me cerozë në mëlçi, duke lënë pas 3 vajza të vogla, 3, 4 dhe 6 vjeç.
Familja Illiu jetonte nëpër të afër, por tashmë kanë shtëpinë e tyre në Elbasan dhe një pension të lidhur nga “Fundjavë Ndryshe”.
