Mëngjesin e sotëm, në një lokal shpërtheu një granatë, ku për pasojë mbeti i plagosur pronari Albert Alterziu, 32-vjeç. Mësohet se biznesmeni ka një të shkuar të errët. Në moshë minorene ai është dënuar për vrasje. Ndërsa në vitin 2013 Alterziu është plagosur me thikë.
32-vjeçari ndodhet në spitalin e Elbasanit, nën kujdesin e bluzave të bardha. Ende nuk dihen arsyet e kësaj ngjarje.
Njoftimi i policisë për ngjarjen:
Në orët e para të mëngjesit në lagjen “Partizani”, Elbasan, në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit shtetasi A.A., rreth 32 vjeç, i cili ndodhej në lokal në ato momente.
I dëmtuari është transportuar në Spitalin e Elbasanit, në gjendje të rëndë.
Grupi hetimor ndodhet në vendngjarje dhe po punon për zbardhjen e rrethanave të ngjarjes, si dhe identifikimin e kapjen e autorit/ve.
https://tiranatoday.com/detajetja-kush-eshte-biznesmeni-qe-i-hodhen-ne-lokal/
