Një ngjarje e rëndë ka ndodhur para pak minutash në Vlorë, ku është ekzekutuar me armë gjahu çifte kreu i njësisë administrative në fshatin Kotë, Selenicë.
Viktima është shtetasi Fatmir Hodaj, 63 vjeç. Mësohet se sherri ka ndodhur në një lokal në qendër të fshatit Kotë, ndërsa sipas informacioneve të para autor është shtetasi A.D., rreth 43 vjeç nga Igumenica, i cili po kërkohet nga policia.
Dyshohet se shkak i sherrit është një konflikt i mëparshëm mes palëve. Policia ka nisur hetimet për zbardhjen e ngjarjes.
Selenicë, Vlorë
Informacion paraprak
Më datë 09.11.2018, rreth orës 14:55, në një lokal në fshatin Kotë, është qëlluar me armë gjahu shtetasi F.H, (Kryetar i Njësisë Administrative Kotë), i cili për pasojë ka ndërruar jetë .
Policia ka mbritur menjëherë në vendngjarje dhe ka identifikuar autorin e ngjarjes i cili dyshohet të jetë shtetasi A.D, rreth 43 vjeç nga fshati Gumenicë .
Forcat e policisë janë vënë në ndjekie të autorit, i cili pas ngjarjes është larguar menjeherë.
Grupi hetimor ndodhet në vendngjarje dhe po kryen hetimet në lidhje me sqarimin e rrethanave dhe zbardhjen e plotë të ngjarjes.
