Gjatë orëve të fundit është përfolur se një konkurrent i spektaklit “Hell’s Kitchen”, kishte tentuar të priste damarët. Familjarët janë shprehur se ngjarja e rëndë ka ndodhur gjatë regjistrimit të puntatës së radhës, ku konkurrenti nuk e ka përballuar dot presionin. Si pasojë e ngjarjes së rëndë, janë ndërprerë edhe xhirimet e emisionit.
I kontaktuar nga “Anabel.al”, Renato Mekolli ka treguar se çfarë ka ndodhur. Në të njëjtën kohë ai i është drejtuar të gjithëve që të mos e ekzagjerojnë këtë situatë, e cila mori përmasa të mëdha.
“E kanë ekzagjëruar kur thonë se programi nuk do të transmetohet. Emisioni do të vazhdojë të transmetohet, siç ka ndodhur deri tani”, ka thënë më tej ai.
Sakaq, i pyetur nëse është e vërtetë se konkurrenti ka tentuar të presë damarët, ai është përgjigjur pas një heshtje të shkurtër: “Do ta shihni në javët në vazhdim”.
