Dhjetë ditë pas vrasjes së Konstandinos Katcifas nga policia shqiptare, në fshatin Bularat të Gjirokastrës, ka reaguar për ngjarjen edhe ish ministri i Arsimit, tani deputeti i SYRIZA, Nikos Filis. Ai i është referuar viktimës me emrin “shpëtimtari i padëshiruar”, duke iu referuar ekzistencës së një pakice greke në Shqipërinë e Jugut, duke mos njohur veriun e Epirit.
“Ai ishte një person që shkoi me kallashnikov në një vend të huaj dhe ngriti flamurin grek, është Shqipëria Jugore, e përsëris dhe i qëndroj fjalës time, jo të Epiri Verior, është Shqipëria e Jugut. Territoret shqiptare janë në sovranitetin shqiptar dhe atje jetojnë për fat të keq, në një masë të vogël minoritarë grekë. Numri i tyre është duke u ulur pasi shumica e tyre kanë ardhur për të jetuar në Greqi.
A e imagjinoni një turk që vjen me një kallashnikov për të ngritur flamurin në Traki dhe qëllon kundër policisë? Çfarë do të thonit?, pyet ish-ministri Nikos Filis gazetarin e Kreta TV.
Prezantuesi i kanalit i tregoi ish-ministrit të arsimit dhe deputetit se kushtet e jetesës janë më të mira në Traki sesa në Epirin e Veriut “në Shqipërinë e Jugut siç e quani ju”. Nikos Filis këmbënguli në idenë e tij, duke quajtur Konstantinos Katcifas “shpëtimtarin e padëshiruar”. “Pse po qëllonte me armë ai policinë në Shqipërinë e Jugut? Sepse ky është emri i vërtetë i këtij rajoni. Pse këta shpëtimtar të paskrupullt dhe të vetë-quajtur qëllojnë me kallashnikov?, ishte deklarata karakteristike e Nikos Filisit. TIRANA TODAY
