Ish-shefi i policisë së burgut të Drenovës, Adriatik Parisi ka qenë objekt i një sulmi. Sot, automjeti i Parisit është përfshirë nga flakët. Mësohet se makina ndodhej në garazhin e shtëpisë, kur i vunë zjarrin.
Nuk dihen ende shkaqet dhe motivet e djegies së makinës, por forca të shumta policie dhe zjarrfikësja kanë mbërritur në vendngjarje.
Pak kohë më parë, konkretisht në shtator të këtij viti, Adriatik Parisi u pezullua nga detyra si Shef i Policisë së Burgjeve në Korçë. Pezullimi erdhi në kuadër të luftës kundër korrupsionit në sistemin e burgjeve, fenomen që kishte vënë në rrezik sigurinë e burgut te Drenovës.
Në vendin e tij u komandua sot Kamber Hoxha.
