Alesio, një 13-vjeçar shqiptar, i cili ka qëndruar ilegalisht bashkë më prindërit në Francë, është dërguar në qendrën e paraburgimit në Cornebarrieu. Ai ndodhte në paraburgim bashkë me prindërit e tij, ndërsa shoqatat për të drejtat njeriut janë ngritur në protestë.
“Një fëmijë nuk ka vend në burg”. Ky është mesazhi i dhënë nga shoqata e mbrojtjes së rrethi Sans-Papiers.
Aktivistët janë mobilizuar për fatin e 13-vjeçarit Alesio, i cili është arrestuar. Që nga 1 nëntori ai ndodhte në qëndrën e paraburgimit Cornebarrieu.
Ai ka dy vite që qëndron në Francë. Familja e vogëlushit shqiptar kishte kërkuar azil. “Dy vjet më parë, Alesio nuk fliste asnjë fjalë frëngjisht. Sot ai është i pari i klasës dhe sot ai ka një ëndërr…”, thotë Emmanuelle Croze një mik francez i familjes.
Mbajtja e një të mituri në paraburgim: trajtimi çnjerëzor dhe degradues
“Një djalë i vogël e ka vendin në shkollë dhe jo në burg”, ky është reagimi i shoqatave. Shoqata tashmë e ka “dënuar” Francën 6 herë në Gjykatën Evropiane për të Drejtat e Njeriut, sepse beson se ndalimi i një të mituri përbën trajtim çnjerëzor dhe degradues.
“Në Francë, ligji lejon që një fëmijë të vihet në paraburgim nëse ai shoqërohet nga prindërit e tij, por stresi dhe klima që shkakton ankthin që ekziston në një qendër ndalimi nuk është një mjedis i përshtatshëm për një fëmijë” tha Sylvain Laspalles, një avokat në sheshin e Toulouse i cili mbrojti të shtunën rastin e Alesio.
Sepse djali dhe familja e tij u paraqitën të shtunën para TGI të Toulouse. Ata duhet pritet të tubohen për në Shqipëri në datat më 9 ose 10 nëntor, por ata kanë apeluan kundër këtij vendimi./TIRANA TODAY/
