Eurodeputetja Eleni Theocharous, ka vizituar shtëpinë e Konstantinos Katsifas. Ajo e ka cilësuar ngjarjen e Bularatit si një vrasje, sikundër ka dhënë edhe një apel të fortë ndaj kolegëve të saj në Bruksel.
“Besoj se jemi përballë një dhunimi të madh të të Drejtave Njerëzore të komunitetit grek të zonës. Ngjarjen e konsideroj vrasje, dhe dua që njerëzit që ndodhen në Bruksel të dëgjojnë zërin e të ëmës së Katcifas. Sepse burgosja që mund t’i ndodhte të birit, nuk krahasohet me dhunimin e të Drejtave themelore të Njeriut”.
35-vjeçari Kacifa u ekzekutua nga RENEA, pasi refuzoi që të dorëzohej. Trupi i tij ndodhet në morgun e QSUT për ekspertizë mjeko-ligjore, pasi familja kundërshtoi autopsinë në Gjirokastër.
