Miqësorja e muajit nëntor për Argjentinën do të jetë përballë Meksikës,. Në listë e të grumbulluarve nuk mungojnë surprizat nga trajneri Lionel Scaloni. Kjo pritet të jetë edhe ndeshja e tij fundit në pankinën e ‘albicheleste’, pasi edhe kontrata ishte e përkohshme pas shkarkimit të Jorge Smpaolit. 2019 pritet ta gjejë Argjentinën me një trajner të ri i cili do përpiqet të përgatisë një skuadër dinjitoze për Botërorin e viti 2022.
Scaloni ka vazhduar sërish tu besoj djemve të ri dhe në listën e tij mungojnë emra të rëndësishëm si Messi, Higuain, Di Maria, Aguero e Banega. Ylli i Barcelonës ka dhënë sinjale se në 2019 do të kthehet në kombëtare, duke u dhënë fund edhe ‘pushimeve’.
Në listë ka emra mjaft të njohur gjithsesi, me një sulm ku spikatin të rinjtë me në krye dyshen e Interit, Icardi-Martinez, apo edhe Dybala të Juves, Simeone të Fiorentinës e Correa të Atletikos.
LISTA
Portierë: Agustín Markesin, Serxhio Romero, Geronimo Rulli.
Mbrojtës: Ramiro Funes Mori, German Pecela, Renzo Saravia, Nicolas Taljafiko, Valter Kaneman, Nikolas Otamendi, Gabriel Merkado, Emanuel Mamana, Huan Fojth.
Mesfushorë: Markos Akunja, Maksi Meza, Franko Vazkuez, Xhiovani Lo Celso, Leandro Paredes, Santiago Askasíbar, Matias Zaraço, Roberto Pereira.
Sulmues: Rodrigo De Paul, Franko Çervi, Angel Korrea, Lautaro Martínez, Mauro Ikardi, Xhiovani Simeone, Paulo Dibala, Erik Lamela, Eduardo Salvio.
