Trupi i 35-vjeçarit Kostandinos Kacifa, i cili u vra nga forcat RENEA do të dërgohet në Tiranë. Trupi i të ndjerit tërhiqet nga familjarët në orën 17:30.
Një përfaqësues i Avokatit të Popullit ka qenë sot në Bularat ku pasi vizitoi familijen deklaroi se do të ketë hetim administrativ. Ndërkohë prokuroria deklaron se nuk është e pranueshme ligjërisht ekspertiza e një mjeku ligjor grek.
Paraditen e sotme në Bularat ka mbërritur policia gjyqësore.
“Në fshat është përhapur ora 17:00 si ora e ceremonisë mortore, por familjarët kundërshtojnë të marrin trupin pa iu bërë më parë ekspertiza mjeko ligjore nga mjekët grekë. Nga informacioni që kemi një mjek grek ndodhet ende në Janinë”.
Familjarët e kanë bërë kërkesën në prokurorinë e Gjirokastrës ndërkohë që kjo e fundit ka informuar se dosja i ka kaluar për hetim Prokurorisë së Krimeve të Rënda për akuzën “Vrasje e mbetur në tentativë ndaj ekfetivëve të policisë”
Familjarët këmbëngulin se nuk do ta varrosin pa i bërë më parë ekspertizën mjeko-ligjore nga mjekët grekë.
Burime nga Ambasada greke në Tiranë bëjnë me dije se deri më tani nuk kanë leje nga autoritetet shqiptare për të sjellë në Shqipëri ekspertët grekë për të kryer ekspertizën e trupit të 35-vjeçarit. Po punohet për të arritur një zgjidhje mes dy shteteve.
Ndërkohë në vendin ku humbi jetën 35 vjeçari nga Bularati, por që kishte marrë shtetësinë greke, sot në mëngjes është improvizuar një lapidar pranë kryqit e luleve dhe një flamur grek.
Një ditë më parë u publikua videoja ku Kostandin Kaçifa qëllon me automatik paraditen e 28 tetorit 2018.
