Lewis Hamilton është shpallur kampion bote për herë të pestë i Formula 1 edhe pse e mbylli i katërti në garën e Çmimit të Madh të Meksikës. Me këtë triumf madhështor ai ka barazuar argjentinasin Fangio dhe është vetëm dy tituj larg legjendës Michael Schumacher.
Nuk ishte një garë e mirë për pilotin anglez të Mercedes megjithëse arriti të parakalonte Ricciardo-n pas një starti të keq të pilotit të Red Bull. Hamilton kishte probleme me gomat dhe është detyruar të futet në bokse që në raundin e 12, piloti i parë i garës që e bën këtë gjë.
Kundërshtarët e tjerë, përfshi Ferrari-n, futen pak më vonë. Të gjithë pilotët kanë qenë të pakënaqur me gomat gjatë kësaj gare dhe vetë Hamitlon është dëgjuar disa herë të thotë se po vuante në radio.
Në xhiron e 39-të Vettel parakalon Hamilton i cili vazhdonte të kishte probleme me gomat. Gjithsesi, pak xhiro më pas ai futet në bokse për pit-stopin e fundit dhe pozicionohet në vend të pestë pas dyshes së Ferrari-t, ndërsa dyshja e Red Bull kryeson garën.
Riccardo në vendin e dytë duhet të linte garën 10 xhiro para fundit për shkak të një problemi me motorin. Verstappen mbetet në vend të parë, i ndjekur Vettel dhe Raikkonen, me Hamilton pas tyre në vend të katërt. Pozicionet nuk ndryshuan deri në fund. Hamilton është kampion bote.
