Zbulohen detaje të reja lidhur me laboratorin e drogës në Has. Mësohet se porositësi i lëndës narkotike ishte grupi i Avdylajve, të cilët njihen ndryshe si “të fortët e Shijakut”. Dyshohet se Lul Berisha ka marrë përsipër të garantonte transportin e lëndës narkotike, ndërsa destinacioni final ishte Gjermania.
Sipas burimeve të BalkanWeb, ndërsa grupet kriminale po bënin gati për transport sasinë e lëndës narkotike të sekuestruar nga policia në laborator ka mbërritur dokumentet nga autoritetet gjermane, me informacione të detajuara sipas të cilave, grupe kriminale shqiptare po bënin gati transportin e një sasie të konsiderueshme droge.
Në këto kushte u operua me masa sigurie në mungesë nga gjykata për anëtarët e grupit kriminal. Ndërsa për Lul Berishën është kërkuar vetëm kontrolli në banesë, pasi kishte dyshime se lënda narkotike do të gjendej në shtëpinë e tij.
Nga kontrolli rezultoi se në banesën e Lul Berishës nuk u gjet asnjë send i paligjshëm, ndërsa familjarët e tij ngritën pretendime me ana e efektivëve nuk u paraqit asnjë dokument urdhër kontrolli i lëshuar nga prokuroria.
Po ashtu, të përfshirë në trafik janë edhe dy biznesmenë turq, që siguronin lëndën narkotike në Afganistan dhe më pas arrinin ta fusnin në Shqipëri.
Gjithnjë sipas dyshimeve, droga do të transferoj për në Gjermani nga porti i Durrësit, përmes garancive të dhëna nga Lul Berisha.
Sa i përket përfshirjes së ish-deputetit të Partisë Socialiste, Arben Ndoka, në konferencën e përbashkët Prokurori – Polici u tha se ai akuzohet për ndikim të paligjshëm, tjetërsim pronash e falsifikim dokumentash, por prokuroria për Krime të Rënda thotë se të afërm të tij kanë bashkëpunuar me grupin Avdylaj për transportin e hashashit. Konkretisht një rast i goditur nga policia, sasia prej 1 ton kanabis sativa e nisur nga Velipoja për në Itali, si edhe një tjetër rast gjithashtu i goditur nga shteti italian.
