Xhisiela Maloku dhe Rexhep Rraja janë filmuar nga kamerat e sigurisë duke u puthur para makinës, pasi kishin dalë nga hoteli. Me anë të një fotoje, avokati i Rrajës e paraqiti si provë ne seancën gjyqësore. Kjo ishte ndër provat se e gjitha është një histori rozë, dhe se nuk ka përndjekje të vajzës nga klienti i tij.
Pamjet janë të fiksuara nga kamerat e sigurisë në hotel “Boçi”, në zonën e Fushë-Krujës. Ato shënojnë datën 19 korrik 2018, ora 18:28. Dy ditë më pas, Xhisiela Maloku ka denoncuar në polici të dashurin e saj për ushtrim dhune.
Në foto, Xhisiela dhe i dashuri i saj, djali i deputetit socialist, Rrahman Rraja, duken duke shkëmbyer puthje, ndërsa largohen krejt normalisht të dy me automjetin luksoz tip “Mercedes Benz” të të riut.
Pavarësisht kësaj, Gjykata e Apelit nuk mori parasysh argumentat e avokatit, duke lënë në “arrest me burg” Rexhep Rrajën. Pas seancës, avokati Ilir Murati tha se gjykati vendosi nën diktatin politik dhe mediatik, në shkelje të ligjit.
