Kur Lufta e Dytë Botërore po shkonte drejt fundit, Shtetet e Bashkuara të Amerikës hartuan një program për rregullimin e kufijve të Europës Lindore. Duke iu referuar konflikte të hershme kufitare mes shqiptarëve dhe fqinjëve në Ballkan, Uashingtoni propozoi si zgjidhje një shkëmbim territoresh.
Sipas projekti, Shqipëria duhet të merrte pjesë nga Jugosllavia e Jugut me popullsi shqiptare, Kosovën, dhe ta kompensojë atë mundësisht me Shkodrën e rrethinat në Veri të vendit. Ndonëse cilësohen të ekzagjeruara pretendimet greke në jug, rekomandohet që ajo të merren në konsideratë.
Italia edhe pse një vend agresor ndaj Shqipërisë, propozohet të marrë ishullin e vogël të Sazanit në Gjirin e Vlorës. Këto plane, u bënë fillimisht publike në gazetën australiane “The Mercury” të datës 2 janar 1945, që i referohej raporteve të korrespondentit të New York Times, Cyrus Sulzberger, që shkruante mbi të rejat më të fundit nga fronti aleat, me qendër në Kajro.
Në fakt në Konferencën e Jaltës e mbajtur në shkurtin e vitit 1945, Çërçilli dhe Stalini vendosën diktatin, duke e ndarë Europën sipas dëshirës së tyre.
