Edi Rama ka shumë skeptikë edhe në mediat e tij sociale për vendimin për të mbyllur pikat e basteve. Pikërisht një komenti në “Facebook”, i është përgjigjur kryeministri. Kreu i qeverisë ka pranuar se më parë kishte qenë i detyruar të bënte një kompromis.
“Doja ta bëja më parë, siç premtova, por nuk munda dot. Ishte i pari dhe i fundit rast që pranova kundër vullnetit tim një kompromis të keq”, tha Rama.
Ata që kishte në koalicion më parë janë tani në opozitë. Rama e hedh topin në fushën e tyre ku thotë: “Nuk e di çfarë do të bëjë opozita, por tani ne votat i kemi dhe kemi më asnjë alibi”.
Kryeministri ka premtuar semë 1 janar nuk do të ketë më pika bastesh në Shqipëri. Rama tha se ky vendim ishte pjesë edhe e një përpjekjeje më të gjerë për të luftuar krimin.
“Ndonëse u munduam të vinim rregull, prapë mbeti shumë llum”, tha Rama.
Pa pritur 1 janarin, Rama tha se tatimet do të mbyllin që tani të gjitha pikat e basteve që kanë probleme me dokumentacionin.
