Khabib Nurmagomedov mposhti Conor McGregor në përballjen më të madhe në historinë e UFC-së, por më pas gjithçka degjeneroi në një sherr masiv mes dy ekipeve. Gjithçka kishte nisur kohë më parë që nga momenti që miqësia mes irlandezit dhe rusit u prish, e u pasua me akuza të shumta mes tyre.
Pak muaj më parë McGregor ka qenë i ftuari i presidentit Vladimir Putin në një ndeshje të Botërorit dhe një nga pikat ku e sulmonte irlandezi Khabibin ishte se presidenti i Rusisë nuk mbështeste atë, por Conorin. Nurmagomedov në një prononcim për mediat pas duelit përgënjeshtroi gjithçka.
“Të gjitha mediat flasin për këtë, bëje një fotografi me Putinin, e gjëra të tilla. Ai sapo më ka telefonuar. Më tha se është shumë krenar me mua. Unë fitova dhe ai më uroi”, tha Khabibi.
Pamjet e renda te kesaj ndeshje kane bere xhiron e botes:
