Hamza Kastrioti ishte nipi dhe bashkëpunëtori më i ngushtë i Skënderbeut. Kur e humbi shpresën se mund t’i zinte vendin xhaxhait në krye të Arbërisë, ai kaloi në anën e sulltanit turk. Hamzai udhëhoqi trupat osmane kundër Skënderbeut më 1457. Duke njohur mirë shtigjet, ai ndikoi që osmanët të fitonin kundër ushtrisë shqiptare.
Skënderbeu u trondit nga kjo tradhti. Megjithatë dy vjet më pas mori hak, duke i mposhtur osmanët e udhëhequr sërish prej Hamzait në betejën e Albulenës pranë Kurbinit. Hamza Kastrioti u kap i gjallë, dhe u dërgua në paraburgim në Napoli me akuzën e tradhtisë. Ai u lirua pak vite më vonë, dhe shkoi të jetojë me gruan dhe fëmijët e tij në Perandorinë Osmane. Por sulltani nuk kishte më nevojë për të. Ai vdiq si lypës në rrugët e Stambollit në fillim të viteve 1460.
