Sulmuesi shqiptar i Kombëtares Shpresa nuk do të luajë në sfidat e muajit tetor. Bëhet fjalë për Fiorin Durmishaj, i cili luan në Superligën greke për klubin e Panioniosit, por që do u mungojë dy sfidave: asaj ndaj Spanjës më 11 tetor dhe ndaj Estonisë 5 ditë më vonë.
Trajneri i Kombëtares Shpresa, Alban Bushi, ka publikuar listën ditën e djeshme, ndërsa u vu re mungesa e Durmishajt. Në konferencën për shtyp,
Bushi zbuloi gjatë konferencës për shtyp se sulmuesi me origjinë nga Vlora nuk është pjesë e ekipit pasi gjendet në Greqi, për të kryer ushtrinë.
“Durmishaj do të ishte pjesë e jona, por është duke bërë ushtrinë”, ka thënë trajneri ndër të tjera.
Periudha e grumbullimit të Kombëtares Shpresa përkon me kohën që autoritetet e shtetit e kanë thirrur për të kryer këtë shërbim, që e kanë si detyrim të gjithë personat që kanë një pasaportë greke.
