Update/Një shtetas është vrarë dhe dy të tjerë janë plagosur si rrjedhojë e një atentati në zonën e ish Bllokut në kryeqytet, të dyshuar ndaj shtetasit Ervis Martini, emri i të cilit është mes të plagosurve.
Martini, bashkë me Eljon Hato, kanë mbetur të plagosur dhe janë transportuar në Spitalin e Traumës në kryeqytet, godina e të cilit është e blinduar nga forcat speciale të Policisë së Shtetit.
Prania në masë të madhe e tyre, siç duket edhe në foton lidhet me dyshimin se situata mund të përshkallëzohet më tej, duke pasur parasysh se shënjestra e atentatorëve i ka mbijetuar të shtënave.
Ndërkohë, raportohet se edhe pranë shtëpisë së Ervis Martinit, pranë Rrugës së Elbasanit, ka një prani të madhe të forcave speciale të policisë, të cilat vëzhgojnë me imtësi lëvizjet në atë zonë.
Paraprakisht mësohet se dy të plagosurit janë jashtë rrezikut për jetën dhe po marrin ndihmën mjekësore, ndërsa i vdekur ka mbetur Fabiol Gaxha, 26 vjeç , i cili mendohet se punonte si truprojë i Ervis Martinit.
Detaje nga policia për vrasjen në ish-Bllok
Një persona ka humbur jetën dhe një tjetër është plagosur nga të shtënat me armë zjarri në zonën e ish-bllokut.
Sipas informacioneve paraprake ngjarja ka ndodhur në një lokal, në vendin e ngjarjes ndodhen forca të shumta policore.
Deri më tani nuk dihen identiteti i viktimës si dhe një prej të plagosurve. Sipas burimeve mësohet se një nga të plagosurit është Ervis Martini, një emër i njohur ky për policinë.
Tiranë
Informacion Paraprak
Më datë 04.10.2018, rreth orës 21:50, në zonën e “Bllokut” në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë.
Po punohet për zbardhjen e rrethanave të ngjarjes, identifikimin dhe kapjen e autorit/ve.
