Avokatja e famshme e emisionit “Shihemi në gjyq”, Eni Çobani, është shoqëruar në komisariatin e policisë. Ka qënë shtetësja Rudina Islamaj, e cila pretenton se është kërcënuar nga Eni Çobani.
Mësohet se ato kanë debatuar gjatë një gjyqi në Apel. Rudina Islamaj ka kërkuar zbardhjen e audio-përgjimit.
Fillimisht mësohet se Eni Çobani ka qenë në një seancë gjyqësore në Gjykatën e Gjirokastrës, kur e kanë shoqëruar. Ajo është akuzuar nga nusja e klientes së saj për kërcënim, ndërsa lajmëroi forcat e rendit. Pas këtij denoncimi, policia e Gjirokastrës po e merr në pyetje.
Çobani është avokatja e shtetases Merushe Makri, e cila në vitin 2016-të u përfshi në një konflikt me ish-nusen e djalit të saj, Rudina Islamaj. Sherri mes tyre u bë publik edhe në rubrikën “Shihemi në gjyq” që drejton Çobani, ku vjehrra akuzoi nusen se e kishte rrahur dhe nxjerrë nga banesa.
