Redon Makashin ende e pyesin se kur do të jetë koha ideale për tu martuar. Teksa ka qenë i ftuar në emisionin “Rudina”, në “Tv Klan”, ai ka thënë sërish, me shaka, se kjo gjë do të ndodhë së shpejti. Ai ka qenë në emision bashkë me kolegët e tij, Aleksandër Gjoka dhe Elton Deda. “Tre Musketjerët”, pas koncertit të suksesshëm vitin e kaluar, do të rikthehen sërish në skenën e Amfiteatrit të Liqenit Artificial, me superhitet e tyre ndër vite, më datë 4 Tetor.
Fansja: Redon kur do të martohesh?
Redon Makashi: I kam ngel në derë asaj?! Nuk diskutohej që do të ishte kjo pyetje, e prisja. Së shpejti do të martohem.
Aleksandër Gjoka: Në një të ardhme të afërt, apo të largët?
Redon Makashi: Të afërt besoj.
Elton Deda: Se një shoku jonë thotë; martohu shpejt që të kesh kohë të ndahesh.
