Kreu i Grupit Parlamentar, Taulant Balla, të enjten, deklaroi se nuk ka qenë në Krujë siç dëshmon nënkoloneli Emiljano Nuhu. Deputeti i PS-së u shpreh se hetimi në lidhje me ngjarjen nuk është mbyllur dhe Prokuroria e Krujës po e vazhdon.
Balla tha gjatë një ndërhyrje live në ‘Opinion’, se nuk është takuar kurrë me Emiljano Nuhun, ndërsa i vjen keq për përdorjen politike që po i bëjnë.
As nuk kam qenë gjatë vitit të fundit në fushë krujë dhe këtë djalim se kam parë ndonjëherë. Nuk kam qenë fare dhe nuk e kam takuar kurrë në jetën time, Me vjen keq për këtë fat keq që e kanë shpërdorur Lulzim Basha me shokë. Drejtësia duhet të bëjë punën e saj.
Balla tha se është e rëndësishme se kallëzimi i shtetases XH.M të hetohet deri në pikën e fundit, asaj t’i jepet çdo mbrojtje e nevojshme.
Deputeti i PS-së, deklaroi se kur ka pyetur deputetin Rrahman Rrahja, ky i fundit e ka informuar se lidhur me rastin ka qenë një konflikt mes dy të rinjve që kanë pasur një marrëdhënie intme dhe më vonë është gjetur një zgjidhje me njëri-tjetrin.
Unë deklaroj me përgjegjësi të plotë se nuk e kam takuar këtë fatkeqin. Unë e di se çfarë problemesh ka ky fatkeqi.
Fevziu: Akuzat e një oficeri policie u morën me shaka por rezultuan të vërteta? Akuzat e Zaganit z.Balla.
Balla: Z.Fevzi mos më fol për njerëz që janë të dënuar me vendim gjykate me tre vite burg.
Merrni pyetni Turjan Hyskën se ku kam qenë. Unë ju garantoj se kam qenë me atë për peshkim.
Së pari, hetimet në këtë vend i drejton Prokuroria. Nuk ka asnjë deklaratë nga prokuroria se në lidhje me këtë çështje ka pasur presion politik. Unë i bëj thirrje prokurororisë nëse ka pasur një presion politik nga deputeti i zonës apo dikush tjetër e ftoj ta bëjë publike. Ju keni një deklaratë nga policia që thuhet se nuk ka ndodhur një ngjarje dhe polici i ngarkuar nuk ishte ky person.
