Update/Gjykata e Krimeve të Rënda ka caktuar masën e sigurisë “Arrest me burg” për Lavdërim Tufën, ish-i dënuar për vrasjen e Fatmir Ramës, i njohur si Miri i Xhikes. Pasi rifitoi lirinë e parakohshme, rreth 3 vite më parë, Lavdërim Tufa u rikthye prapë në qeli, pasi kësaj here dyshohet për gjobëvënie.
Arrestimi i tij u bë nga Policia e Tiranës disa ditë më parë, pasi është denoncuar nga një biznesmen, të cilin e kërcënonte për t’i dhënë 90 mijë euro. Një pjesë e këtyre parave, sipas burimeve nga Policia, ishin për llogari të një shtetasi italian, i cili pretendonte se i detyrohej biznesmeni i dëmtuar.
Në seancën e sotme, Gjykata e Krimeve të Rënda e la në burg Lavdërim Tufën, mbi të cilin rëndon akuza “Kanosje për dhënie pasurie”.
U lirua me kusht për vrasjen e Mirit të Xhikes, gabimi që çoi në pranga Lavdrim Tufën
Një dënuar për një vrasje të kryer disa vite më parë që ishte liruar me kusht nga burgu është arrestuar serish.
Sipas Policisë i arrestuari është Lavdrim Tufa, i cili është dënuar për vrasjen e Mitit të Xhikes.
Arrestim i tij është bërë pasi ka kërcënuar me vrajës një administrator në Tiranë. Uniformat blu shtojnë se ai i kishte kërkuar 90 mijë euro, ose do ta vriste.
U lirua nga gjykata pasi nuk u provuar që ishte autor, por vetëm bashkëpunëtor në vrasjen e Mirit të Xhikes.
Njoftimi:
Specialistët për Hetimin e Krimeve të Rënda ndaj Jetës dhe Pronës në D.V.P. Tiranë bënë arrestimin në flagrancë të shtetasit: Lavdrim Tufa, 37 vjeç, banues në Tiranë, i dënuar më parë për veprën penale “Vrasja”.
Ky shtetas, i ka kërkuar shumën prej 90 000 euro duke e kanosur administratorit të një firme private, me pretendimin se ky i fundit kishte detyrime ndaj shtetasit italian P. E., 50 vjeç.
Gjithashtu procedua në gjendje të lirë për “Moskallëzim Krimi”, shtetasi:
– F. Sh., 37 vjeç, banues në Tiranë, i cili ka patur dijeni për rastin dhe nuk ka kallëzuar pranë shërbimeve të Policisë.
Në lidhje me rastin u shpallën në kërkim dhe 2 shtetas të tjerë dhe po punohet për kapjen e tyre:
– P. E., 50 vjeç, banues në Itali
– A. G., 49 vjeç, banues në Durrës.
Gjithashtu gjatë kontrollit të ushtruar në banesën e shtetasit L. T., u gjet dhe u sekuestrua në cilësinë e provës materiale një antiplumb.
Materialet iu referuan Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale “Shtrëngim me anë të kanosjes për dhënie pasurie”, “Moskallëzim krimi” dhe “Mbajtja pa të drejtë e uniformës”.
