Barcelona mposhti një natë më parë me rezultatin e thellë 4-0 PSV Eindhoven në “Cump Nou”. Ndeshja ishte e vlefshme për grupin B në Champions League dhe katalanasit e nisën mjaft mirë kompeticionin që kanë objektiv ta fitojnë këtë sezon. Por para se të fillonte ndeshja rrugët e qytetit të Barcelonës u përgjakën pas përleshjes së dy tifozërive.
Në një video të publikuar nga “AS” shihen qartë tifozët e skuadrës holandeze të cilët dhunojnë me karrige kurrizit një tifoz kundërshtar, ku ky i fundit ka mbetur i gjakosur dhe pa ndenja, i shtrirë përtokë. Menjëherë në vendngjarje kanë mbërritur forcat e shumta policore ku kanë arrestuar një person përgjegjës për dhunën e krijuar në rrugët e Barcelonës.
