Nisi mbrëmjen e djeshme edicioni i 5 i “Dance with me”, një nga spektaklet më të ndjekur e që së fundmi ka qenë shumë i komentuar për çiftet që do merrnin pjesë në garë. Por vëmendjen nuk e kanë pasur vetëm këta të fundit, pasi së fundmi prezantuesja e njohur Eva Idrizllari ka bërë një kritikë për modertoren e këtij spektakli, Alketa Vejsiun.
“U bera kurioze per te pare programin “Dance With Me”, por e nderrova menjehere kanalin pasi me tmerroi stili i prezantimit te Alketes. Uhhhhh. Po pse mi e dashur artikulon me shpejtesi marramendese, aq sa te trullos trurin kur te degjon?! Une kam simpati per Alketen si nje figure televizive, por menyra e saj e te folurit me kaq ritem te ngutshem eshte vertet stresuese. Prezantimi i nje spektakli kerkon vertet dinamizem dhe entuziasem, por kjo nuk do te thote qe prezantuesja t’i nxjerre me super shpejtesi fjalet, por t’u jape frymemarrjen e duhur. Je shume radiofonike, ndersa po drejton nje format televiziv. Nje keshille dashamirese, nga pervoja”, ka shkruar Idrizllari.
